又掉爛o左部電話喇..............

He.....He.....真係比人估中我又整到天光先訓喇!訓得一個鐘倒就要起身,今日特別要早少少起身,因為阿Ring幫我洗頭,佢都算係咁,特登早啲起身去開門幫我吹頭,因為佢喺花園街某一間嘅髮廊做髮型師,佢知我朝早趕時間返工,所以要早啲返去開門,而且佢今晚都嚟我嘅生日party,其實我同佢喺髮型屋認識嘅!話時話唔經唔覺我地已經識o左差唔多兩年,我o成日都去幫嚫佢整頭髮,之後仲介紹埋比我老公識,就咁我地慢慢就成為o左朋友喇!今朝我又整到好遲先出門口,為O左今晚嘅party,左執右執個樣,仲去埋洗頭,整到又要搭的士返工,返到去公司好彩啱啱好無遲到咋!今日阿佩佢地買o左個蛋糕比我,但我一啲都唔覺得高興,反而仲覺得佢地好假,佢地只不過係循例式咁做,更何況都係用阿公啲錢嚟買喳嘛!我一啲都感受唔到佢地真係鄧我高興,反而啲阿姐雖然只係同我講句祝福,但係比起佢地真誠好多,不過我亦都係循例上都有同佢地講聲多謝嘅,終於捱到收工喇!今日o成日佢地竟然真係一句"生日快樂"都無講過,到o左今晚十二點佢地連一個訊息都無send過比我,算啦!我都預o左,但個心唔多唔少都有啲唔舒服o架喇!我覺得今晚個氣氛都比預期好,我都玩得好開心,令我忘記晒公司啲煩惱,好似去o左第二個空間咁,雖然今年無往年噤多人,但係好開心,我心目中好想佢地嚟嘅都差唔多到齊,而且噤多年內收得最多生日禮物嘅就係今年喇!只係美中不足在有三個好朋友無嚟,佢地就係Eva、Chloe和芳芳,不過我一早已經知道Eva同芳芳有啲事係嚟唔倒o架喇!所以我都怪佢地,但至於Chloe...........我都唔知點解佢又唔嚟,唉.........我都唔識講喇!今晚最驚喜嘅就係歐凱儀同佢男朋友玩玩吓中途偷偷哋出o左去買生日蛋糕比我,開頭我都未知,之後詩詩無意中唔小心講o左出嚟,但係我仍然都好感動好開心,只係最後阿海同豆豆因啲少事而噪起嚟,不過好快就平息o左喇!開心嘅時間真係過得特別快,我地玩到天光,人地都要收舖我地先至走,今晚都可以話劃上一個完美嘅句號喇!之後我地大家就各自各歸家,我同老公開頭唸住行返屋企,但行行吓佢話頂唔順好辛苦要搭的士,其實我真係好唔鍾意人飲完酒之後會斷片,唔知自己做乜,又唔記得自己講過啲咩,我以前飲完酒都係咁,破壞力仲好勁,但宜家好耐都未試過咁o樣,去到屋企留下附近,我因啲好少好少嘅事而發脾氣,然後我地就分開行,行行吓發現唔見o左佢,之後我係咁狂打電話比佢,但係佢就係咁不斷cut我線,我最憎人地cut我線同無蹤無影,尤其係自己鍾意嘅人,加上飲o左酒,所以我啲火就湧上嚟喇!嬲到我連電話都掉爛埋,我好耐都未試過噤爆喇!可能自己將私事同工事一次過發洩晒出嚟,唉......又無o左部電話喇!

留言

Secret

No title

豆豆ge事我萬二分抱歉...依個人會消失...佢根本唔屬於我宜家ge世界...佢只佩係我以前ge世界出現...雖然我有諗過愛佢,教好佢...但今日ge我真係太累了...我仲有太多野要做la...而且佢真係仲細...我唔會相信佢宜家想定落黎...我亦都等唔到...最重要係佢從來都冇話過鍾意我...所以一切己經完左la...
歡迎到此一遊
最新文章
自我介绍

Shantei

Author:Shantei
欢迎来到 FC2 博客

最新留言
最新引用
月份存档
類別
好友一覽
sandy's favorite song
搜寻栏
RSS连结
连结
加为好友

和此人成爲好友