就嚟透唔倒氣喇................

嘩!都真係幾辛苦o架哦!昨晚收工後返到屋企都已經四點鐘喇!之後我就趕快去澡涼同寫日記,最後我叫醒埋老公,大約六點鐘左右先訓,今日姐姐都有打嚟叫我起身,其實我都預o左佢會叫我起身,因為佢知我宜家返o緊兩份工會好辛苦,所以驚我唔知醒,不過點都好,我真係好感激佢呀!返到去達鬼地方後,又準備開始這個全面嘅訓練喇!唉..........這個訓練真係一日比一日艱辛,不過無辦法啦!唯有倒返轉當佢地透明囉!今日係我喺度返噤耐以嚟第一次無同樑哥講早晨,平時佢就算點樣無禮貌,或者你同佢講早晨但佢都無彩你都好,我每日都仍然會繼續叫聲佢早晨,依然都會尊重佢,但到宜家今時今日,可能我真係忍無可忍,還需要忍呢?我已經開始覺得對佢好係唔值o架!問心佢有無尊重過我?有無理過我感受?我對佢地真係好心淡,覺得好累喇!所以我唔會再對佢地客氣o架喇!到收工後,我、阿偉同賢哥佢地三個一齊去買雪糕食,傾o左一陣後,我就趕住去返兼職.返到去又好似昨晚咁,大家都比心機做嘢,有時都會有講有笑,個氣氛幾和諧,唔似得朝早嗰份工,簡直就好似天堂與地獄咁噤大分別喇!

留言

Secret

No title

真係辛苦哂ar!!!+油
歡迎到此一遊
最新文章
自我介绍

Shantei

Author:Shantei
欢迎来到 FC2 博客

最新留言
最新引用
月份存档
類別
好友一覽
sandy's favorite song
搜寻栏
RSS连结
连结
加为好友

和此人成爲好友