真係如我所料............
今日返到公司如我所料,我果然真係變o左個隱形人,除o左工事上嘅嘢之外,我同阿佩佢地完全一句嘢都無講過,佢啱啱同樑哥去完旅行返嚟,喺公司不斷咁散播佢同樑哥有幾幸福幾開心,不過佢一啲都無同我提過,我亦都無興趣知,我真係越嚟越憎佢地,正一假人假意,好似一隻披着羊皮嘅狼一樣,我從來都未試過喺一間公司做得噤辛苦,最慘嘅唔係身體上嘅辛苦,而係心靈上嘅難受,一直喺度做,就好似不斷咁訓練我嘅EQ,我直係唔知自己仲可以撐到幾時,每個人容忍都有個限度o架!幾經辛苦終於捱到收工喇!噤啱我喺惠康撞倒姐姐,所以就同佢一齊搭地鐵.返到屋企食完嘢之後,我就開始玩我部電腦,佢就喺度睇電視同睇波喇!