唉!又病.............

今日又要請病假喇!又無o左好多錢喇!唉........真係好討厭自己嘅身體,我真係唔明點解一個肥施大隻嘅人都會有噤多病痛o架!如果遲多一日先病咪好囉!因為返埋今日就放假喇!點解差一日都捱唔倒,真係好嬲好唔開心.醫生話我可能盆腔腅發作,咁嘅情況叫我最好留院觀察,其實我自己都估倒,不過這段時間我真係唔可以請噤多日假,請一日我已經覺得好盡o架喇!以我地宜家咁嘅經濟狀況,如果再請多幾日假就死喇!所以我寧願搏一搏,試吓食藥可唔可以忍到去一月嘅時候做手術,醫生見倒我咁唯有幫我打支止痛針,開啲藥比我返去食,而且仲叫我簽張紙係証明我自己放棄留院嘅,但佢千丁萬促叫我如果係頂唔須就一定要入院,希望我個身體掙氣啲啦!點都要捱埋個十二月先好病呀!

芳芳又大一歲喇..............

今日係芳芳生日,佢今晚會同o成班同事去唱K慶祝,可惜我去唔倒,因為我同老公第二日都要返工,而且我地真係無多餘嘅錢攞去玩,其實我真係好想去,好想等佢開心吓,但無辦法啦!我都知佢一定預o左我唔去,雖然我去唔倒,但為表我嘅誠意,我唸住到時親手攞份禮物去卡拉OK度比佢,比完佢就走,不過我唔會比佢知住,想比啲驚喜佢.今朝返到公司芳芳見倒我就問我點解今日化衡妝咁,唯有呃佢話收工同老公去食飯行街睇戲囉!收工後我就即刻返一返屋企補吓個妝,整好個頭,陪老公食埋嘢先出去揾芳芳.當我差唔多到嘅時候,我就打電話比佢,特登同佢傾到我到o左卡拉OK門口就收線,目的係想佢留意住個電話響,因為我會sen個訊息比佢,叫佢如果宜家想見倒我嘅話就攞起支咪大叫我全名三次,咁我就會即刻喺佢面前出現,之後我一開門入去唸住比個驚喜佢,哈...哈...點知我一入到去佢竟然唔喺度,佢噤啱去o左廁所,唸起都覺得好笑呀!最後我去o左廁所揾佢,唉..........都唔係我原本所唸咁樣,不過算啦!起碼可以親手送份禮物比佢我已經心滿意足喇!

我地就快搬去天水圍喇................

好開心,前幾日收倒房屋署寄嚟特快編配公屋嘅信,叫我地今日去擇屋,原來今日我同Suki要上寫字樓簽約,但噤啱今日又要去擇屋,所以唯有同公司講要改期簽約囉!上樓緊要嘛!今朝我一早起身就去o左樂富擇屋,最後比我成功擇倒天水圍,雖然遠就遠o左啲,而且唔大,但起碼都算幾新,夠住就得啦!擇完屋後我見仲有噤多時間剩,所以就返o左屋企休息吓,等到夠鐘先返工.我心真係好興奮,好心急想快啲睇吓間屋,更想快啲搬入去,我等這日已經等o左好耐,足足等o左差唔多六年喇!宜家終於可以上樓,唔使再捱貴租,最開心嘅就係可以儲錢返泰國見媽咪,我好想親手攞啲錢比佢用,好想親眼見倒佢笑,好想親身攬住佢,好想親口同佢講~我好掛住你呀~真係好想......好想......大約過多一個月我地就可以搬喇!希望到時見倒間屋真係啱我地心水啦!

放假~又自己一個.............

嚟o左這間公司做之後今日係第二次放假,但老公又要返工,又自己一個.....不過都慣啦!宜家雖然只係返o左八日工,但我已經覺得幾鍾意份工,喺入面做真係可以學倒好多嘢,亦都要記好多嘢,又時又要追間,其實都幾辛苦o架!但好彩啲同事都幾好,希望公司唔好嫌我手腳慢無記性啦!

第一日返工好緊張呀............

今日係我第一日返工,亦都係第一次同朋友一齊同一間公司做嘢,真係有啲緊張,仲早o左o成個鐘頭返到公司,換好制服後因為未夠鐘,而且佢地個個都忙到無時間嚟教我做嘢,所以我就唯有只可以企喺旁邊睇吓佢地做嘢,我見倒佢地好似打仗咁,忙到對手同個口都無停,同之前間公司比就相差得遠,這裏忙好多,見倒咁自己都怕唔知做唔做得來呢?因為我啱啱新嚟所以暫時做啲基本簡單嘅嘢先,嘩!但原來就算係簡單嘅嘢都可以做倒收工都未必做得完呀!今日我認識o左一位同事,佢叫Suki,我同佢就比較多啲嘢講,可能大家係因為差唔多時候入職,所以我地就好傾啲囉!識o左芳芳噤耐宜家先知佢做嘢都幾o掂喔!我都好想可以快啲上手好似芳芳佢地做嘢噤快手快腳,我唸喺度做真係可以學倒好多嘢,而且這裏啲人都幾好,又肯教我,雖然有好多嘢記都幾辛苦,但做得幾開心,而且我覺得宜家比之前過得充實好多,希望我可以做好這份工啦!
歡迎到此一遊
最新文章
自我介绍

Author:Shantei
欢迎来到 FC2 博客

最新留言
最新引用
月份存档
類別
好友一覽
sandy's favorite song
搜寻栏
RSS连结
连结
加为好友

和此人成爲好友